गणिताशी गट्टी प्रश्न क्र. ८७

 ✍️ गणिताशी गट्टी प्रश्न क्र. ८७

यशवंतराव चव्हाण प्रतिष्ठान व शिक्षण विकास मंच यांच्या वतीने ८ जून रोजी शालेय शिक्षणातील बदलत्या भूमिका या विषयावर शिक्षणकट्टा वेबिनार आयोजित करण्यात आला. या कार्यक्रमात फेसबुक लाईव्ह च्या माध्यमातून ११००० तर झूमवरून १०० सदस्यांनी भाग घेतला. या कट्टयात श्रीम. धनवंती हर्डीकर, श्री. किशोर दरक , श्रीम. प्रीती कामत तेलंग, श्रीम. शुभदा चौकर, श्री. मिलिंद चिंदरकर, श्री. दत्तात्रय वारे या तज्ज्ञ मार्गदर्शकांनी मार्गदर्शन केले. सर्व तज्ज्ञांच्या सादरीकरणाचा सरासरी वेळ ३० मिनिटे होता. प्रीतीताई वगळता इतर तज्ज्ञ मार्गदर्शकांच्या सादरीकरणाचा सरासरी वेळ २९ मिनिटे असेल तर प्रीतीताईंनी या कार्यक्रमात सादरीकरणासाठी किती वेळ घेतला?

➡️ उत्तर :-

सहा तज्ज्ञ मार्गदर्शकांच्या सादरीकरणाचा सरासरी वेळ = ३० मिनिटे

➡️म्हणून,

सहा तज्ज्ञ मार्गदर्शकांच्या सादरीकरणाचा एकूण वेळ = ३० × ६ = १८० मिनिटे.

प्रीतीताई वगळता इतर तज्ज्ञ मार्गदर्शकांच्या सादरीकरणाचा सरासरी वेळ = २९ मिनिटे

➡️म्हणून,

पाच तज्ज्ञ मार्गदर्शकांच्या सादरीकरणाचा एकूण वेळ = २९ × ५ = १४५ मिनिटे.

➡️ म्हणून,

प्रीतीताईच्या सादरीकरणाचा वेळ = १८० - १४५ = ३५ मिनिटे.

➡️ म्हणून प्रीतीताईना सादरीकरणासाठी ३५ मिनिटे लागली.

©अजित तिजोरे - ८०९७६१७०२०

#ज्ञानभाषा मराठी प्रतिष्ठान

#गणिताशी गट्टी